Inter HSS Indigenous Games huaihawt

MZP leh Mizoram Indigenous Games Association (MIGA) chuan nimin khan Mizo High School Field-ah Inter Higher Secondary School Indigenous Games (Mizo infiamna) an huaihawt a, Human Resource & Education Board vice chairman L Thangmawia, MLA-in a hawng.

Intihsiaknaah hian mipa tan Mizo infiamna - kalchhet kal, inarpathai, khanchhuak aṭanga invuak thlak, insuknawr leh inarpasualte hmangin intihsiak a ni a; hmeichhe tan ketaminu tlân, kawikah ràlsài, záwnga leilâwn dím dím leh inbawlvawmte hmangin intihsiak buatsaih a ni. Higher secondary school 10 aṭangin zirlai 600 vel an tel a; vawiinah chhunzawma khar a ni ang.