Lawngtlai district hmasawnna tur sawiho

Lawngtlai District Planning Committee chu nimin khan Lawngtlai DC conference hall-ah SDO (Sadar) Rochuangkimi Khenglawt hoin an ṭhu khawm a; sorkar department leh tlawmngai pawl hrang hrang aiawhte an tel. Meeting chuan Lawngtlai district-a department-te chu action plan an siamte September 25, 2019 hmaa thehlut turin a ti.

District Planning Committee hi Planning & Programme Implementation department hnuai­a din a ni a, Centrally sponsored scheme-in a huam tel loh hmasawnna hna hrang hranga department-te'n rua­hmanna an siam zinga District Planning Committee-in pawm tlaka a ngaihte chu Planning department-ah thehlutin, chumi hmang chuan hna thawh ṭhin tum a ni. DPC hi Lawngtlai district-ah hmasawnna chak leh awmze nei zawk a awm theihna atana hma la tura din a ni.