Minister-a Dr BD Chakma dah tumna A awm ka hre ve lo - CM Zoramthanga

Chief minister Zoramthanga chuan, Dr Buddha Dhan Chakma, MLA chu minister atana dah tumna a awm a hriat ve loh thu a sawi a, "Eptute min beihna mai mai a ni," a ti.

Nimina Vanapa Hall-a Martarte Ni hmannaah Chief Minister chuan, "Minis­ter atana Dr BD Chakma dah tumna a awm tih eptu lamin an sawi ri hi kan vawi khat hriatna a ni. Eptute min beihna mai mai a ni," a ti a; minister atana Dr BD Chakma dah chungchang chu amahin emaw, cabinet-ah emaw, party-ah sawi a la awm loh hrim hrim thu a sawi.