CRP Conclave-ah C Lalawmpuii

Ministry of Rural De­velopment hnuaia National Rural Liveli­hoods Mission (NRLM) chuan September 19-20 chhung khan BP Pal Auditorium, IARI, Pusa, New Delhi-ah Com­munity Resource Person (CRP) Conclave - A Learning Forum an buatsaih a; C Lalawmpuii, Hmunṭha, Serchhip dis­trict-in Mizoram State Rural Livelihoods Mis­sion (MzSRLM) hnuaia a hlawhtlin dan a sawi.

CRP Conclave - A Lear­ning Forum hi India ram hmun hrang hranga khawtlang tana hna thawk ṭha, community resource person-te puala buatsaih a ni a, Ministry of Rural Development-a secretary Amarjeet Sinha leh hotu pawimawh dangte'n an hmanpui.

Conclave-ah hian MzSRLM hnuaia ran vulhtu hlawhtling C Lalawmpuii, Hmunṭha chanchin chu DAY-NRLM lehkhabu buat­saih­ah tarlan a ni a, kal khawm mipui hmaah a hlawhtlin dan a sawi bawk. MzSRLM hian thing­tlanga kut hnathawktu hmeichhiate tihchak nan Mahila Kisan Sashak­ti­ka­ran Pariyojana (MKSP) project a kalpui mek a, C Lalawmpuii pawh hi MKSP hnuaia live­stock community resource person niin, ran vulh kawnga khawtlang hmasawn nan hma a la nasa hle a ni.