Ram puma ṭawng khat hman a ṭha lo - Lalchhandama Ralte

September 21, Inrinni khan Vigyan Bhawan, New Delhi-ah Central Advisory Board of Education (CABE) meeting neih a ni a, School Education minister Lalchhandama Ralte pawh telin, India ram pumah ṭawng khat hman ṭha a tih loh thu a sawi.

School Education Minister chuan, National Education Policy (NEP) 2019-ah India hnampa Mahatma Gandhi-a'n a lo mitthla ang thil pawimawh leh a tum zawng zawngte chu India ram zirna kalphung laipui a ni tur a ni tih a nih thu sawiin, "India danpui 8th Schedule-a ṭawng 22 pawm tawh bakah, hmun hrang hrang, a bikin hmarchhakah ṭawng hlawm lian tak tak a awm. Ram pumah ṭawng pakhat hman a, chumiin hnam tlem zawkte ṭawng luahlantir zawnga hmalak hi engti kawng pawha pumpelh a ṭul a ni," a ti.