Traffic special drive-ah mi 1,018 man

Aizawl Traffic Police chuan Aizawl khawpui traffic jam nasa tiziaawm turin ni tin an duty bakah, a remchan angin special drive an kalpui ṭhin. July 31, 2019 aṭanga special drive an neihah Aizawla veng hrang hrangah ni 23 an duty tawh a, September 20, 2019 thleng khan lirthei khalhtu dan zâwm lo mi 1,018 an man tawh a; chu'ng mite pawisa chawi tlingkhawm chu Rs. 2,77,000 a ni.

Traffic Police hotute chuan, special drive an neih ṭhin avangin lirthei document felfai lote a tiṭí a, tlân chhuak ngam lo tam tak an awm phah tih an sawi. SP Traffic chuan, lirthei khalhtute bakah, kea kal mipuite him nan lirthei khalhtute fimkhur turin a ngen a ni.