Official, contractor leh TCZP-ten Khawlailung-Hmunzawl Tuichang lei enfiah

Serchhipa Local Administration Officer (DLAO)-in hriattirna a chhuah ang­in, Khawlailung leh Hmunzawl inkara Tuichang lei (kea kal kaina lei) chu sorkar hotu te, lei dawhtu contractor-te leh Tui­changral Zirlai Pawl (TCZP) hruaitute'n a hmunah tun hnai khan an enfiah.

Tuichang lei dawh dan chu ṭha lo an tih avangin TCZP chuan siamṭha turin thuneitute an lo ngen tawh ṭhin a; tun hnaia joint verification-a telte chuan, lei dawh chu a ṭha lo tih an pawm tláng a, lei thar dawh theih mai a la nih loh avangin, lei dawh sa chu rinawm zawka thawm ṭhat a nih theih nan ruahmanna an siam a ni.

Lei dawh ṭhat dan turah, lei ban chu tun aia a rinawm zawk theih nan thir hrui lian danga pawh belh tura tih a ni a; lei khaina pawh iron rod mm. 8-a metre hnih danah tal khai chhuah leh vek bakah, a lai taka hruipui hniam lai chu iron rod bawka kham sân belh ni se, an ti.