Assembly session neih tur thlirho

Nimin khan Assembly speaker Lalrinliana Sailo hoin February 23, 2021-a ṭan tur Assembly budget session chungchang sawiho a ni a; Covid-19 léng laka him theihna turin ruahmanna siam dan an thlirho.

Lalrinliana Sailo chuan, budget session neih turah MLA-te leh sorkar official zawng zawngte Covid-19 laka an him theihna turin ruahmanna siam a ngaih thu a sawi a, "Session pawimawh tak awm turah him leh tluang taka rorel a nih theih nan Chief Secretary hoin a kaihhnawih department hotu lute koh khâwm an ni," a ti.

Ṭhutkhawmah hian hripui laka him nan standard operating procedure duan dan tur te, Assembly hall chhunga MLA-te ṭhutna rem dan tur te, session-a tel tur zawng zawng swab test tihsak chungchang leh ṭul dangte an rêl a ni.