Exam zawhna siam dan inzirtir

MBSE chuan nimin khan Higher and Technical Institute, Mizoram (HATIM) building, Lungleiah district chhunga high school leh higher secondary school zirtirtute tan exam zawhna siam dan (Question setting technique) zirhona an buatsaih. Training hi district khawpui tinah huaihawt tur a ni a, Kolasib, Mamit leh Lungleiahte neih tawh a ni.

Training-ah hian MBSE secretary Lalthangbika leh Lunglei district education officer Lalramthianghlima te pawh an tel a; MBSE academic officer Michael Lalrinmawia leh regional officer F Ricky Lalremruatpuia ten thil pawimawhte an zirtir. MBSE siam kum 2020 Board exam aṭanga hman ṭan tur Scheme of Examination and Question Design te, Integrated Evaluation Scheme (IES) software update thar leh software manual-te an inzirtir nghal bawk.