Health Minister leh Ayush Minister an inkâwm

Health & Family Welfare mi­nister Dr R Lalthangliana chuan September 24, Thawhlehni khan Union minister of state (indepen­dent) for AYUSH (Ayurveda, Yoga & Naturopathy, Unani, Siddha and Homoeopathy) Shripad Yesso Naik leh AYUSH ministry hotu dangte a kâwm a, Mizorama AYUSH tihhmasawn dan tur a sawipui.

Dr R Lalthangliana hian Shripad Naik hnenah hian Mizoramah awmze nei zawk leh lian tham deuha kalpui turin project - ‘Proposal for Strengthening of Ayush Development in Mizoram chungchang a sawipui a; a vaiin cheng vbc. 63 senna tura rua­hman a ni. Ayush Minister chuan, R Lalthangliana thu thlente chu a ngaih pawimawh thu sawiin, tihhlawhtlin a tum thu a lo hrilh.

Health Minister hian Thawh­lehni vêk khan Union Health secretary Preeti Sudan leh hotu dangte a kâwm bawk a; Zoram Medical College-in hostel a mamawh thu sawiin, a rang lama ruahmanna siam a ṭul thu a thlen.

RIPANS tihchangtlunna tura February 27,2019-a cheng vbc. 480 sorkar laipuiin a peih tawh, tun thlenga hma lâk chak tawk loh chungchang te, Mental Health Hospital (Institute of Human Behavioural & Allied Sciences), Mizorama din a ṭul thu leh Mental Health Hospital din nan cheng vbc. 40 hû ruahmanna siam a nih thute a thlen bawk.

1.    National Ayush Mission hnuaiah Ayush doctor 40 post ruak hnawhkhah.

2.    Staff quarters sakna tur.

3.    Central medical store dinna tur leh district level medical storage unit dinna tur.

4.    Integrated Ayush Hospital, CHC, PHC leh hmun danga solar power plant dah.

5.    ASUH DTL tih hmasawnna chungchang.

6.    PHC 57-a Herbal Garden dinna tur.

7.    Ayush hospital lian tham Mizorama dinna tur.

8.    Aloevera cultivation leh processing plant Mizorama dinna tur.