NABARD director-ah Mizo

National Bank for Agriculture and Rural Development (NABARD) chuan Mizoram sorkara Agriculture leh Rural Development department-te enkawltu secretary Lalhmingthanga, IAS chu director atan an ruat a, Mizo zinga NABARD director ni hmasa ber a ni.

NABARD director atana Lalhmingthanga ruatna order hi tun hnai khan chief general manager S Dwivedi chuan a tichhuak a; a rual hian Uttar Pradesh, Tamil Nadu leh West Bengal sorkara Additional Chief Secretary ṭheuhte chu director atan ruat an ni bawk. NABARD director-te thawh hun chhung (term) chu kum thum a ni ang.