CM Zorama'n scooter a hlân

Vanduaina vanga ke lehlam tansak tawh Lal­rinzuali d/o Lalruat­thanga (L), Zemabawk Kananthar Veng, pawl 10 zir mek chu bialtu MLA Zoramthanga, chief minister-in tlu thei lo tura siam danglam scooty (scooter) a pe a, nimin zing khan a hlan. Lalrinzuali hi kum 5 a nih laiin truck-in a chîl palh avangin a ke dinglam tan a ni a, hun rei tak chhung chu zakdawh tiang nen a kal tawh a ni.

Chief Minister chuan, Lalrinzuali tumruhna fakawm a tih thu sawiin, rilru pui­tling tak pu zel a, a zir­naah theihtawp chhuah zel turin a fuih a; a kal zel­­na turah hlawhtlinna hmu turin duhsakna a hlan. Zo­ramthanga chuan, pian­­phunga rualbanlote pui turin kawng hrang hrangin sorkarin hma a lak thu leh, a theihna apiangah puih a inhuam thu a sawi bawk.