Kum 100 tlingte lawmpuina hlan

Social Welfare depart­ment (SWD)-in Mizo zinga kum 100 tlingte hnena lawmpuina an pek chu nimin khan SWD minister Dr K Beichhua'n a pisaah a hlan a, kum 100 tlingte aiawhin MUP hruaitute'n an dawng. Kum 100 tling chawimawina pekte chu mi 17 an ni.

Dr K Beichhua chuan, kum 100 dam thleng theite chu ropui a tih thu sawiin, "Kum 100 dam thleng theite hi kan hlut a ni. Ram changkangah chuan mihring dam hun chhung a sang zel a, keini pawhin kan nun kan uluk chuan kan dam hun a sei zel ka beisei. Zu leh ruih­­hlo dangte avangin kan dam hun chhung a rei lo a, hengte hi kan do tur a ni," a ti.

Kum 100 dam thleng theite chu ram tana rohlu an nih thu sawiin SWD Minister chuan, kum tin kum 100 dam thleng theite chu lawmpuina pek an nih tawh dawn thu a puang. MUP hruaitute chuan, kum upate chawimawi a, kum 100 dam thlengte lawmpuina pek an ni chu lawmawm an tih thu an sawi. Kum 100 dam thlengte hnenah hian lawmpuina thuchei leh Rs. 1,000 ṭheuh pek a ni.