Lal Thanhawla hnenah Doctor of Divinity hlan dawn

Serampore College (University) chuan Mizo­ram chief minister ni rei ber Lal Thanhawla, Mizoram Pradesh Cong­ress Committee (MPCC) president chu honorary doctorate degree, Doctor of Divinity (DD) a hlan dawn tih a puang.

India rama Pathian thu zirna lâr ber pakhat, Serampore College hian Lal Thanhawla hnenah September 26, Ningani khan lehkha thawnin, Doctor of Divinity an hlan tur thu an hrilh a; lehkha hi Serampore College bishop Dr Ani­kumar John Ser­vand hminga thawn a ni.

Lal Thanhawla hnena DD hlan an tum chhan an tarlan chu, kohhran leh khawtlang tana a thawh hlâwk vang a ni a; degree hi November 30, 2019-a Hyderabad khawpuia Serampore College (University) con­vo­cation-ah hlan a ni ang.