Thil hlui thehlut turin ASI hotuin mipuite ngen

Archaeological Survey of India (ASI) Aizawl Circle-a Superintending Archaeologist chuan, a bial chhung - Mizoram, Manipur leh Tripura-a thil hlui nei leh kawlte chu ASI Aizawl Circle registering officer, Tuikhuahtlangah thlalak an neihte thehlut turin a ngen.

ASI Aizawl Circle-a Superintending Archaeologist chuan, Ministry of Culture hnuaia Antiquities and Art Treasure Act, 1972 Section 14-na tlawhchhanin, thil hlui vawng ṭhatute chu a thlalak nen, a ziah luhna tur form hmanga ziak lut turin a ngen a, chutianga ziah luh theihte chu kum 100 hma lama mi a nih a ngai. Lung, leirawhchan, sai ngho, sa ruh leh thing emawa thil ker, lemziak hlui leh chutiang kaihhnawih chite a huam a; pawisa thîr, hriamhrei, thîrphaw, tangkapui, inchhung bungbél, thawmhnaw, puantah leh lunghlu thawmhnaw erawh a tel lo.