Agriculture, handloom, handicraft hmasawnna tur sawiho a ni

Planning department, UN Development Prog­ramme, EXIM Bank leh Con­ferderation of Indian Industry-te chuan nimin khan Aijal Club-ah Mizorama agricul­ture, handloom leh handicraft lama sumdawnnaa hma­sawnna tura inràwn khawmna 'Consultation on Social Entrepreneurship: Agriculture, Handloom and Handicraft Sector' an buatsaih.

Inràwn khawmnain a tum ber chu - Micro, Small and Medium Enterprises (MSME) kaltlanga India hmarchhak state aṭanga agriculture, handloom leh handicraft siam chhuahte ram dang leh state danga hlâwk zawka hralh theih dan kawng zawn a ni. UNDP aiawhin regional head (NE India) John Borgoyary-in thu a sawi a; Mission Organic Mizoram, Horticulture department, Commerce & Industries leh EXIM Bank aiawhte'n thu an sawi bawk.