Aizawl Smart City Project thlirho

Chief minister Zoramthanga hoin nimin khan Chief Minister's Office (CMO) Cabinet room-ah Aizawl Smart City Project kal meka hmalaknate thlirho a ni.

CM Zoramthanga chuan, Aizawl Smart City hnuaia hmalaknate chu Mizoram state sorkar hnuaia hmasawnna hna thawh mek leh hmachhawpte nen insu buai lo a, ram hmasawnna tura hlâwk zawka an ṭan tlàn theih nan ruahmanna fel taka siam turin thawktute a chah.

Ṭhutkhawmah hian deputy chief minister Tawnluia, Health minister Dr R Lalthangliana, chief secretary Lalnunmawia Chuaungo leh UDPA secretary Dr C Vanlalramsanga te an tel. Common bio-medical waste treatment plant, smart ambulance, step/stairs improvement, smart bus stop, street vending machine, water ATM, sanitary napkin dispensing machine, digital library, open gym, khelmual siam leh a dangte thlirho a ni.