Kolasib DC-in S Chhimluang a tlawh

Kolasib DC Dr H Lalthlangliana chuan nimin khan South Chhimluang khua a tlawh a, khawtlang hruaitute nen inkâwmin, an khaw tihhmasawnna tura an mamawhte a sawipui. Khaw panna kawng siamṭhat ngai leh kawlphetha lama harsatna an lo thlente a enfiah nghal bawk.

Dr H Lalthlangliana chuan, S Chhimluang chu sub-village dinhmuna hlan kai thar a ni ta chu a taka khawtlang hmasawn nan hmang ngei turin mipui chahin, "Hemi tihlawhtling tur hian khua leh tui rintlak nih tum tlat a pawimawh," a ti a; kawng hrang hrangah kohhran rawngbawltute leh sikula thawktute pawh ràwn nachang hre turin a chah.

S Chhimluang mipuite chu khaw entawn tlak an nih theih nan faina, ruihhlo do leh zirnaahte ṭan la zel tura fuihin Bawrhsap chuan, "Khawtlang tihhmasawnna tur chuan a chhunga chengte'n neitu nihna thinlung an put hmasak a ṭul," a ti.

S Chhimluang khua hi Kolasib aṭangin km. 33 vela hlá a ni a, chhungkaw 126 awm anga ngaih niin, a tam zawk chu Bru an ni. December 2020 khan Mizoram sorkar chuan sub-village council-ah a hlán kai a ni.