Dan bawhchhiaah minister 2 puh

ZPM party chuan thuchhuah siamin, Aizawl Convention Centre sakna tur cheng nuai 4899 hmuh thu te, Kolasib Saidana football khelmual siam chungchang leh sorkar hmalakna turte ni àwm tak puanzar a ni chu Election Code of Conduct bawhchhiatnaa an ngaih thu an tarlang. Hemi chungchangah hian minister Robert Romawia Royte leh IPR minister Lalruatkima te chu dan bawhchhiaah an puh.

AMC inthlan a hnai tawh tih sawiin ZPM chuan, "AMC inthlanah tlin zawh an inrin loh avangin MNF hian dan pawh pawisa loin, chak theihna tur nia an hriat apiang hmanrua an hmang hreh ta lo niin a lang. Dan ngai pawimawh intia Pu Lalduhoma hék a, MLA aṭanga paihtute an ni. Hetianga dan pawisa lo taka an khawsa leh si hi a demawm tak zet a ni," an ti.