Mi 71,903-in Rs.1,41,31,700 chawi tawh

Mizoram Police leh hmun hrang hranga local/village task force-te chuan May 4, 2020 aṭanga nimin zing dar 9 thleng khan The Mizoram (Containment and Prevention of Covid-19) Ordinance/Act, 2020 bawhchhia mi 71,903 an man tawh a, pawisa chawi tlingkhawm chu Rs. 1,41,31,700 a ni.

February 3, Nilaini zing dar 9 leh nimin zing dar 9 inkarah bikah Covid-19 dan bawhchhia mi 279 man an ni a; chu'ngte chu vantlang hmuna hmai tuam lo mi 154, physical distancing zâwm ṭha lo mi 65, vantlang hmuna chil chhâk mi 37 leh sorkar dan siam dang zâwm lo mi 33 man an ni. Mi 279-te pawisa chawi tlingkhawm chu Rs. 72,500 a tling.

Covid-19 Act hmang hian police leh task force-te'n dan zawm lote pawisa an chawitir thei a; vantlang hmuna hmai tuam lo Rs. 100, physical distancing zâwm lo Rs. 200, vantlang hmuna chil chhâk Rs. 300 leh Covid-19 a darh lohna tura ruahmanna sorkarin a siam zâwm lote Rs. 1,000 chawitir theih a ni.