Sorkar ṭha siam a pawimawh ber - Lalsawta

Congress party chuan nimin khan Hlimen YMA Hall-ah vantlang inkhawm an buatsaih a, party hruaitute'n thu an sawi. MPCC PAC member Lalsawta chuan, "Sorkar ṭha siam hi a pawimawh ber a ni a, chutiang sorkar ṭha siam a ṭulna chhan chu sorkar ṭhaah chuan mi tinin hma kan sawn a ni," a ti.

Lalsawta chuan, sorkar ṭha siam tura pawimawh ber chu ram roreltu an nih thu sawiin, "Sorkar ṭhaah chuan retheih hi a zahthlak a, sorkar ṭha loah chuan hausak a zahthlak a ni," a ti a; sorkar ṭhaah thil tih a harsa a, thil sual tih pawh a har laiin, sorkar ṭha loah chuan thil sual tih a awl avangin, MNF sorkarah thil sual thâwm a tam thu a sawi.

Hachhek bialtu MLA Lalrindika Ralte pawhin thu sawiin, Zoram kaihruai turin Congress party an inbuatsaih mek tih sawiin, "Mipuite rilru tihnatna kan neih pawhin kan insiamṭha thei a ni tih Zoram mipui hriatah ka sawi a ni," a ti a; mihring beiseina siam chauh an tum lo a, AMC-a an manifesto chu a taka tihhlawhtlin an tum thu a sawi.

Inkhawmah hian AMC Ward-XIX atana Congress party candidate Vandingliani pawhin thu a sawi a ni.