Lungmak tlawhtute hriat tur tichhuak
Lawngtlai DC Dr Andrew H Vanlaldika chuan Chhimtuipui luia Lungmak/Lungmawi tlawhtute zawm tur thupek a chhuah a; thupek zâwm lote chu DM Act, 2005 Section 51 tlawhchhana hrem theih an nih thu a tarlang.
Lungmak tlawhtute hriat tur
1. Lungpui chungah leh New Tuidangchhuah balu lâkna chhak lam Lungmak/Lungmawi nena a inkarah riahbûk khuar phal a ni lo.
2. Bawlhhlawh ṭawih thei lo hnutchhiah leh lui tibawlhhlawh zawnga khawsak phal a ni lo.
3. Lui lama infiamna (river crossing, rapelling, etc.) tih tumte'n Lawngtlai DC phalna an la hmasa tur a ni a, phalna an lak hnuah Disaster Quick Response Team nen ruahmanna siamin an ti tur a ni.
4. Tlawh tura kalte chuan Hruitezawl VC President hnenah hming leh address kimchang an hriattir hmasa tur a ni (Hruitezawl VCP phone no. 8132042301).
5. Lawng ṭha leh mi phurhna tlâk chauh hman tur a ni.
6. Lawng khalhtute'n VCP hnenah an hming pein, VCP-in Lawngtlai DC hnenah a thehlut ang a, chumi hmang chuan DC-in lawng khalhtu turte badge a siamsak ang.