Draft National Education Policy A him loah Joint NGO-in an ngai

NGO Coordination Committee (Joint NGO) hruaitute nimina Central YMA Office-a ṭhukhawm chuan, Draft National Education Policy, 2019 chu Mizoram leh Mizote tan a him loa an ngaih thu an puang.

YMA, MUP, MHIP, MZP leh MSU-te telna Joint NGO chuan meeting an neih hnuah thuchhuah an siam a, "Draft National Education Policy, 2019 hi ram leh hnam tan a him lo niin kan ngai a, mipuite'n he Bill hi zau zawka kan hriat theih nan zir chian leh zual thain a hria a, August 9, 2019 hian zirhona buatsaih ni se," a ti.

Joint NGO chuan, Mizoram Legislative Assembly House-a pass tawh The Mizoram Household Maintanance Registration Bill, 2019, tun thlenga Governor-in a la pawmpui duh lo chu hriatthiam har an tih thu an tarlang a; a rang thei ang bera pawmpuina (assent) pek a nih theih nan hma la turin thuneitute an ngen tih an sawi.

Mizoramin hun rei tak Governor nghet a nei lo pawh pawi an tih thu sawiin NGO Coordination Committee chuan, "Governor nghet kan neih ngei theih nan a ṭul anga hmalak zel kan tum a ni," an ti.