Army pre-recruitment kalpui dawn

November 18-22, 2019 chhunga Aizawla sipai lâk rûnpuia tel turte pualin Mizoram Youth Commission (MYC) chuan pre-recruitment training a buatsaih leh dawn. MYC chairman Dr Vanlalṭanpuia chuan, kum­ina sipai lâk rûnpui neih hunah Mizoram pual­a post ruak awm zat luah khah a nih ngei theih nan hmalak an tum thu leh pre-recruitment training chu thingtlang kilkhawr zawka mite tan pawha tel theih turin district tinah kalpui an tum thu a sawi.

Pre-recruitment training hi district tina buatsaih tum a nih avangin Dr Vanlalṭanpuia hoin a pisaah nimin khan Assam Rifles, Sainik Welfare & Settlement leh Army recruiting officer-te'n hmalak dan tur an sawiho. MYC hian kum hmasa lamahte pawh army pre-recruitment training an lo buatsaih tawh ṭhin a; pre-recruitment-a tel duhte tan September 15 aṭanga October 30 chhungin online registration tih theih a ni.