Beichhua'n Smriti Irani a kâwm

Social Welfare minister Dr K Beichhua chuan nimin khan Women & Child Development leh Textiles changtu union minister Smriti Zubin Irani chu Parliament-a a pisaah a kâwm a, Mizoram mamawhte a thlen.

Dr K Beichhua chuan, Women & Child Development department hnuaia anganwadi centre sak ṭhat ngai eng emaw zat a awm thu Union Minister hnenah a thlen a ni. Smriti Zubin Irani chuan, Mizoram mamawhte chu a ngaih pawimawh thu leh union minister a nihna angin Mizoram mamawhte a hriatpui thu a lo hrilh a, Mizoram tan a bik taka thil ṭha tak tih a tum thu a sawi.

MoS Dr K Beichhua'n Sericulture department hnuaia muga silk tihpun theihna atana project a thehluh te, anganwadi sak ṭhatna tur leh Women & Child Development department hnuaia project an siam a thehluhte chu tihpuitlin a nih theih nan hma a lak tur thu a sawi bawk.