Zawlpala Thlantlang tlawh theih

Phulpui Branch YMA chuan Zawlpala Thlantlang chu Covid-19 hripui léng vanga hun rei tak tlawh theih loha an khâr hnuah, a duh apiang tan tlawh theih a nih tawh thu an puang.

Zawlpala Thlantlang hi Phulpui YMA chuan nikum March thlaa total lockdown puan aṭangin khaw dang mite tan tlawh theih lohin an khâr a, thla 10 chuang an khâr hnuah mipui tlawh theihin an hawng leh ta a ni. Zawlpala Thlantlang tlawh tur hian gate luh man lâk a ni a; puitling pakhatah Rs. 20 leh naupang pakhatah Rs. 10 a ni.

Tlangah hian Zawlbuk leh Mizo inte a awm a, zana riak duh tan mi pakhatah Rs. 200 lâk a ni bawk.