KHAWTHLIR

Mizoram Baptist Kohhran chuan Pathianni hian chaw-hma dar 10:30-ah Lunglawn East BCM biak-inah pastor lâk luhna inkhawm an buatsaih dawn a, BCM general secretary Rev. F Ramdinmawia'n la lutin, thuchah a sawi ang. Tun ṭuma pastor atana lak luh tur mi 12-te chu February 1, 2021 khan appointment pek an ni a, kum thum chhung probationary period an hman hnuah nemngheh turin BCM Assembly Executive Committee-ah chhawp chhuah an 

ni ang. 

Mizoram Bar Associa-tion (MBA) chuan tun hnai khan kum 2021-22 chhunga an hruaitu tur an thlang a, president-ah A Malhotra leh gen-

eral secretary-ah 

R Lalhmingmawia te 

an thlang.

Lunglei district-a police-te'n heroin leh ganja an man, Court-a chinfel tawhte chu nimin khan Lunglei police-te'n an hâl. Ruihhlote chu AP Tlangah YMA sub-headquarters, Lunglei president Lalrotluanga'n a hâl a; Rs. 14,06,000 man heroin gram 466.61 leh Rs. 6,000 man ganja kg 2.185 hàl ral a ni.

MSU Sub-Hqrs., Phulpui chuan nimin khan zirlai ti ṭha chawimawina hun an buatsaih a, MSU Gen.Hqrs. president J Lalmuanzuala'n a hmanpui. Phulpui MSU hian HSLC 19 , HSSLC 15 leh under graduate pass thar pahnih bakah, an khaw mi MPS-a tling R Lalrinmawia te hnenah chawimawina an hlàn a ni. 

State Referral Hospital-ah nimin khan Covid-19 vei dah luh an awm loh laiin, hripui laka fihlim tawh mi pakhat chhuahtir a ni a, mi pasarih enkawl mek a ni. SRH-ZMC Bulletin tarlan danin, SRH-a awm mek mi pasarih zinga pahnih chu ICU-ah awmin, ventilator hmantir ve ve zel an ni a; Isolation ward-a awm mi pangate'n harsatna lian tham an nei lo.