MoS Robert Romawia Royte Minister aṭanga báng turin phût

Tun hnaia social media-a minister of state Robert Romawia Royte chungchang darh avangin Congress party ṭhalaite chuan chief minister Zoramthanga hnenah Robert Romawia chu minister aṭanga bàn tura ngenna nimin khan an thehlut. ZPM Ṭhalai pawhin Robert Romawia chu báng tura an phût thu an tarlang.

MPYCC chuan, mipuiin ram roreltute mimal nunah an duhtui tial tial avangin Robert Romawia Royte chu Council of Minister aṭanga chawlhtir turin Chief Minister an ngen a ni.

ZPM Ṭhalai pawhin thuchhuah siamin, ram hruaitu tih atana àwm lo leh minister nihna tihniàm thei thil Robert Romawia'n a ti nia sawiin, Mizoram sorkara a nihna aṭanga báng turin an phût a, "Minister of state nihna hi zahawm taka vawn nun a nih zel theihna turin a nihna chelh mek hi a bànsan vat kan phût a ni," an ti.