PC party hotute'n tui lâkna an tlawh

Peoples' Conference (PC) party president Lalhmangaiha Sailo leh hruaitu dangte chuan nimin khan Greater Aizawl Water Supply Scheme hmanga Aizawl châwmtu tui lâkna, Dihmunzawla an tlawh a, PHE hotute nen an inkâwm.

Lalhmangaiha Sailo chuan, Aizawl khawpui tui hmanga châwmtu PHE department hotute thawhrimna leh inpekna fakawm a tih thu a sawi a, "Tun dinhmunah Aizawl khawpui châwmtu tur tui hi Tlawng aṭanga lâk a ni a, chhiatna eng emaw thleng palh se a aiawh tur kan nei lo a, Tlawng chauh ni lo aṭanga tui lakna tur ngaihtuah ran a ṭul a ni," a ti.

PHE department hotute hian Greater Aizawl Water Supply Scheme phase-I leh phase-II hnathawh dante leh phase-III hmalak meknate an lo hrilhfiah a ni.