Cement hralh dan endik

Serchhipa Legal Metrology department leh Serchhip District Consumers Association (SDCA)-te chuan August 3, Inrinni khan Serchhipa cement zawrhna dawrte an tlawh kual a, cement a man pangngai aia toa hralh a awm leh awm loh an endik.

Hmun hrang hranga leimin vangin tun hnaiah Serchhipah cement a thleng mumal lo a, chuvang chuan Legal Metrology department leh SDCA-te chuan cement thleng chhunte man to zawka hralh a nih lohna turin hma an la a ni.

Cement a thlen hunah pawh a mamawhte hnenah a rual­khai thei anga sem rual tur leh, mamawh luat vanga a rate aia toa lei ngam an awm pawhin, a man tisang lo turin cement zuartute an ngen.

SDCA chuan tunlai hian Serchhipa retailer ṭhenkhatin buhfai an semnaah an bial chhung mipuite chu buhfai lak hun an siamsak ṭhin nia an hriat thu tarlangin, "Hei hi mipui rahbeh tumnaah kan ngai. Food Security Act hnuaiah hian retailer-te chu thla khat chhung an inhawng tur a ni," a ti.