Manpower Development Board ṭhukhawm

Manpower Development Board chu nimin khan chief minister Zoramthanga hoin CMO Cabinet Meeting Room-ah an ṭhukhawm a, Board hmalak dan tur hrang hrang an sawiho.

Chief Minister chuan, mipuiin sorkar langtlang an neih theih nan ṭhuang hrang hranga hmasawnna hna thawk tura board siam a nih thu a sawi a; Manpower Development Board chuan ṭhalai hman tlak leh ṭangkai siam kawngah te, eizawnna kawng hrang hrang kawhhmuhnaahte mawhphurhna pawimawh tak an neih tur thu a sawi.

Meeting-ah hian ṭhalaite tana hmalakna tur hrang hrang, zirna, infiamna, zai leh rimawi, fine art lamahte leh eizawnna kawng hrang danga hmalak theihna turte sawiho a ni a; ni tin inhlawhfa chawpa ei zawngte mumal zawka organised sector-a luhtir dan tur te, labour-te tan leh anmahni mamawhtute tana awlsamna siam dan turte, skill development lama hmalak chungchangte an sawi a ni.

Manpower Development Board-ah hian Labour, Employment, Skill Development & Entrepreneurship (LESDE) minister Lalchhandama Ralte chu chairman a ni a, MLA Zothan­tluanga chu vice chairman a ni.