District thar pathuma Bawrhsap tur ruat a ni

Mizoram sorkar chuan district headquarters thar pathum - Hnahthial, Khawzawl leh Saituala deputy commissioner (DC) turte a ruat a, bawrhsap tharte chu an hna thar zawm nghal tura tih an ni.

District headquarters thar pathuma DC turte ruatna notifi­cation hi nimin khan Department of Personnel & Administrative Reforms (DPAR)-in an tichhuak a, DC tharte chu MCS officer vek an ni. Hnahthial DC atan SIRDPR director ni lai Vanlalmawia, Khawzawl DC atan joint chief electoral officer ni lai H Lianzela leh, Saitual DC atan additional secretary post chelh mek C Lalpeksanga te dah an ni.

Hetih lai hian, Mizoram sorkar chuan Disaster Management & rehabilitation director ni lai FJ Liantluanga chu Joint CEO atan a dah thar bawk.