Gurmura-ah Mizo lirthei dan a ni

Nimin chawhma lam khan Gurmura, Hailakandi district, Assam bulah tun hnaia YMA-in Bairabi leh a chhehvela Inner Line Permit (ILP) endik rûnpui an neih duh loh lantirna atan Mizo lirtheite dan an ni a, chawhnu lamah an chhuah leh nghal.

Bairabi aṭanga thu dawn danin, ILP endiknaah hian YMA-te chuan temporary ILP hmanga hnathawh chu dan lo a nih thu leh regular ILP la ṭhin turin hnam dang hna thawkte chu an hrilh. YMA hmalakna chu duh loin Gurmura bulah hian Mizo lirtheite an dang a, Bairabi aṭangin sorkar official-te an kal a, lirthei dangtute nen an inbiak hnuah lirtheite chu an chhuah leh a ni.