Rotavirus vaccine pek beihpui thlak ṭan a ni

Kawṭhalo laka nausên an him theihna tura invenna damdawi, Rotavirus vaccine chu nimin khan Siaha district-ah pek ṭan a ni a, district bawrhsap Bhupesh Chou-dhury-a'n hawngin, a bul ṭan nan naute 

ṭhenkhat ká-ah damdawi (vaccine) a thlawr a ni.

Rotavirus vaccine pek bul ṭanna hi Siaha Health sub-centre-ah neih a ni a; invenna damdawi hi Siaha district-a nausen thla ruk mi aṭanga kum nga inkarte hnenah pek vek tum a ni. Rotavirus vaccine hi vaccine dang chi hrang hrang, Health department-in a pek ṭhin (routine immunisation)-a tel tur a ni. Rotavirus chu nausen/nautê kawṭha-lo natna thlentu tam ber, naupang damlohna leh damdawi-in thlen ṭhintu tam ber a ni a; natna enkawlna atan chhungkua a sum tam tak sen ralna a nih bakah, thihna hial thlen thei a ni bawk.

An sawi danin, Rotavirus vaccine hian Rotavirus vanga naupang kawṭhalo natna thleng tur lakah 40% - 60% velin a vêng thei a; World Health Organisation-in him tâwkah a ngai a, khawvela ram 96-in routine immunization zingah an telh tawh a ni.