Governor hoin zirlai zin chhuakte hmuak

Assam Riffles 23 Sector kaihhruaia Delhi khawpuia National Integration Tour (NIT) programme nei zirlaite chuan nimin zing khan Aizawl an rawn lut a, Governor Kummanam Rajasekharan hoin Assam Rifles hotute'n Lammualah an lo hmuak.

Governor chuan, Assam Riffle-te'n Mizoram hmun kilkhawr zawka zirlai 20 leh zirtirtu pahnihte thlang a, India ram inpumkhatna pawimawh leh hlutzia zir chiang tura an hruai chu thil lawmawm tak a nih thu a sawi a, "Zirlaite'n Delhi khawpuia an chàm chhunga hmun pawimawh an tlawh te, an thil tawnte leh mi pawimawh tak tak an kawmnate leh an thil zir aṭangte khan  mahni inrintawkna nasa tak an neih belh dawn a ni," a ti.

AR 23 Sector bultuma National Integration Tour-a kal zirlai 20 leh zirtirtu pahnihte hian January 7-20 chhung khan Delhi-ah hun an hmang a; an châm chhungin president Ram Nath Kovind, boxer Mary Kom, Delhi area GOC Lt. Gen. Asit Mistry bakah, National Security Guard training centre leh India history-a hmun pawimawh hrang hrangte an tlawh a ni.