MLA-te'n an hlawh aṭanga 1% health care-ah an thawh dawn

Mizoram Member of Legislative Assembly (MLA) zawng zawngte'n thla tin an hlawh lak zawng zawng aṭanga 1% chu Mizoram Health Care Scheme premium atan sorkar account-ah an thawh dawn.

Mizoram Legislative Assembly hnuaia General Purpose Committee (GPC), August 6, Thawhlehnia ṭhukhawm chuan MLA-te thla tina an hlawh aṭanga 1% Mizoram Health Care Scheme premium atana sorkar account-a thun an rél a, August 2019 aṭanga pek nghal ni se, an ti.

GPC-ah hian chairman chu Assembly Speaker a ni a, member-te chu Chief Minister, Deputy Speaker, Parliamentary Affairs Minister, Opposition Groups Leader leh Assembly committee hrang hranga member-te an ni.