Suangpuilawn nu thattu inpuang

August 3, 2019, Inrin­ni zing dar 6 vela an chenna ina thichhâwnga hmuh leh a hnua thi zui ta, Hmingthanzuali (51) d/o Lalrinmawia (L), Suangpuilawn chu Laldinpuia (25) s/o Rohlua, Suangpuilawn chuan a thah a nih thu Darlawn police-te hmaah a puang.

Suangpuilawn YMA hruaitute hnen aṭanga Vanglaini thu dawn danin, Laldinpuia hian a ruih ât avangin Hmingthanzuali chu a that niin a insawi. Laldinpuia hi nimin khan Central Jail-ah dah luh a ni. He thil thleng chung­changah hian mipui lungawi lo chuan Laldin­puia te in an vawm a, kawng ân lam chu an vawm chhe nual. Nimin khan Suangpuilawnah tualthah duh loh kawng zawh huaihawt a ni a, buaina chhuak a awm lo.

Tarlan tawh angin, Hmingthanzuali hi a pasal fanaute nen an awmho tawh lo a, a nute hnena kîr leh tawh a ni. Amah hi dawr neia eizawng a ni a, August 3 zing dar 6 velah an ṭhenawmte'n thil lei an duh avangin a chhungte'n an kaitho dawn a, thichhawngin a khumah an hmu a ni.