Mt Everest summiter Johny-a a lo haw

Mizo tlangval khaw­­vela tlang sang ber lawn chhuak thei, Mount Everest summiter Johny Laltlanmawia s/o Zothan­mawia chu nimin khan Aizawl a lo thleng a, Lengpui Airport-ah a chenna veng Ramhlun North mipuiin an lo hmuak a, nimin tlai khan Ramhlun Sports Complex field-ah a lawmna hun hman nghal a ni.

Johny Laltlanmawia hi Mizo zinga Mount Everest lawn chhuak thei pathumna a ni a, May 16, zing dar 7:05 khan khawvela hmun sang ber hi lawnchhuakin, tlang chhipah hian Holy Bible leh YMA flag-te thla a lakpui a ni.

Johny Laltlanmawia hian kum 2010 khan 1st Assam Regiment a zawm a, 2015-ah commando training tura thlan chhuah a ni a, 2016-ah national Security Guard (NSG) atan thlan leh a ni. NSG a zawm hnu lawkah Mount Everest lawn tura sipai thlan chhuah zingah a telve a ni.