ZORO-in sorkar an ngen

Zo Reunification Organisation (ZORO) chuan thuchhuah siamin, Mizoram Legislative Assembly House-in March 15, 2019-a resolution pass tawh, 'United Nations De-claration on the Right of Indigenous Peoples, 2007 (UNDRIP) hi a hlawhtlin theih nan India sorkarah na taka nawr ni rawh se' tih chu a hma thei ang bera bawhzui turin Mizoram sorkar a ngen.

UNDRIP chung­changa Mizoram Assembly resolution bawhzuina leh India sorkar nawrnaah ZORO chu UN registered NGO a nih angin tel ve ngei an duh thu an sawi a, "August 8, 2019 hian MCCI Conference Hall, Aizawlah ZORO Lea-ders Meet neiin, Mizoram sorkar chu Assembly resolution bawhzui thuai tura ngenna resolution pass a ni," an ti.