Vawi 9 insawifiah tura tih hnuah Kawng siam ṭhat a ni chuang lo

National Highway (NH) 54 kawngpui, Kolasib Zero Point leh Meidum inkar siamtu GP Project chu an kawng siam an enkawl zui loh avangin insawifiah turin PWD-in vawi kua lehkha an pe tawh a, chuti chung chuan kawng thawm ṭhat hna an thawk chuang lo.

RTI Act hmanga zawhna chhan a nih danin, GP Project-te chu in­sawifiah turin vawi kua PWD-in lehkha an pe tawh a; GP Project chu May 5, 2020 khan a vawi khat nan ziakin an insawifiah a, inkhârkhip (lockdown) a nih avangin hna thawk tur mi an hmuh loh thu an ziak. A ṭum hnihna atan December 16, 2020 khan ziakin PWD-ah thu an thlen leh a, kawng siam hna thawh an tum thu an tarlang.

Kolasib aṭanga thu dawn danin, nimin thleng khan Zero Point leh Meidum inkar kawng hi thawm ṭhat a la ni lo a, lirthei tana tlân hrehawm khawpin a khuar nasa tawh a ni.