Mi dang beitute'n anmahni vote-tu tur an ûm bo zawk - Robert Romawia

MNF adviser Robert Romawia Royte, minister of state chuan, mawi leh mawi loa mi dang beitute'n anmahni vote-tu tur an ûm bo niin a sawi.

Robert Romawia Royte hian nimin khan an inah Aizawl East-II bial chhung mi an party zawm tharte a lawm luhnaah thu sawiin, Mizo Kristiante'n politics leh campaign thianghlim taka kalpui an duh thu a sawi a, "MNF-a kan hotute duh danin mawi taka campaign a pawimawh. Mawi leh mawi lo pawh sawi loa mi dang bei vak vaktute hian an party vote-tu tur an ûm bo zel a ni," a ti.

MNF thuchhuah tarlan danin, Robert Romawia'n MNF zawm thar mi 137 a lawm luh zingah NSUI President hlui leh MPCC Secretary-te pawh an tel a ni.