March 17 thleng Assembly session

Mizoram Legislative Assembly hnuaia Business Advisory Committee (BAC) chu nimin khan an chairman Lalrinliana Sailo, speaker hoin a pisaah an ṭhukhawm a; February 23-a ṭan tur Assembly session programme tur duangin, March 17, 2021 thleng neih turin an rél.

Assembly BAC chuan, February 23, 2021 aṭanga March 17, 2021 (ni 23 chhung) inkarah budget session neih turin ruahmanna an siam phawt a; chumi hun chhunga Assembly ṭhutkhawm (sitting) neih zat tur chu ni 15 a ni.

Session ni hmasa ber February 23, 2021-ah Mizoram Governor-in thu a sawi ang a, March 1, 2021-ah Finance Minister-in Mizoram budget 2021-22 a pharh ang.

Assembly BAC member-te chu - deputy speaker Lalrinawma, TJ Lalnuntluanga, Nihar Kanti Chakma, Vanlalhlana leh L Thangmawia te an ni.