DMR team-in lei tawlh enfiah

Champhaia Disaster Management & Rehabi­litation (DMR) team chuan nimin khan Ruan­tlanga Lersia Field chhaka lei tlahniam leh Champhai Kanan Venga lei tlahniamte a hmunah an enfiah a, hma­lak tawh dante an thlirho.

DMR team hi DMR join director (Operation) C Lalruaia'n a ho a, an en­fiahnaa an thil hmuhte chu thuneitute hnenah an thlen leh dawn a, chipchiar zawk a zir chian a, enfiahnate pawh a ṭul ang zela neih tura ruahman a ni. Lei tlahniam enfiah­na­ah hian Aizawl aṭang­in DMR Join Direc­­­tor (Operation) leh assistant engineer PC Zohmingsanga leh Geology & Mineral Resources technical officer Zarzoliana ten an ṭawiawm a; Champhaia BDO Rebecca Laldin­mawii Hrahsel, PWD leh DMR hotute'n an ṭawiawm bawk. DMR team hian August 8, Ningani khan Khawzawl Vengthara lei tla­­hniam an enfiah tawh a ni.