All India service-a tlin tum tak tak Ṭhalaite MICSAS-in an pui dawn

Mizoram Civil Service Aspirants Society (MICSAS) chuan nimin khan Aizawl Press Club-ah thuthar thehdartute an kâwm a; tih tak zeta all India service lama kal tum Mizo ṭhalaite an puih (sponsor) dawn thu an puang.

MICSAS chairman Prof. Zaithanzauva Pachuau, Dean, School of Physical Science, MZU chuan, an pawl thil tum chu Mizo ṭhalai a tam thei ang ber all India service-a an luh theih nana kawng sial a nih thu a sawi a, "Mizo hnam pasalṭhate rilru kaih harh nan leh Mizoram tana a taka ke pên tumtute cho phûr nan zirlai harsa, he lama tih tak taka inbuatsaihte kan sponsor dawn a ni," a ti.

Prof. Zaithanzauva Pachuau chuan, MICSAS chuan Mizo hnam hnatlang a koh mek thu sawiin, zirlaite tana sum thawh ve duhte tan thawh theih a nih thu a sawi a; sum thawh theihna chu - IDBI Bank, Chanmari-ah bank account holder: SelInfosystems, account no: 159102000001205, IFSC: IBKL0000159-ah a ni.

Form lakna leh thehluhna

1.    Saizampuii Sailo,

    Sunflower Electronics, Chanmari

    Phone: 9774035344

2.    Dr. KC Lalmalsawmzauva

    C/o Splash, BSNL Franchisee

    Chanmari, Presbyterian biak-in bul

    Phone: 9436744744

Form lak theih hun    : February 3-15

Form thehluh hun    : February 3-28

Written test    : March 20, 2020

Personal interview    : April 1-3, 2020

Counseling    : April 15 - May 15

Final selection    : May thla chhungin