Mizoramah Covid-19 vaccine chhia a la awm lo

India rama Covid-19 vaccine pek chhuah a nih aṭangin state pangaah vaccine dahṭhat danin a zir loh avang leh thil dang avangin dose 5,000 chuang a chhe tawh a; Mizoramah erawh chuan Covid vaccine chhia a la awm lo. 

Vanglaini palai zawhna chhangin Covid-19 Vaccination Drive thupuangtu Dr Lal­zawmi, state immuniza­tion officer chuan, Mizo­ramin Covid-19 vaccine a dawn zingah a chhia a la awm loh thu a sawi a, "Vaccine enkawl dan turah fimkhur takin hma kan la a, a dahṭhat dan pawh kan uluk hle, tihchhiat kan la nei lo," a ti.

Dr Lalzawmi chuan, Covid-19 vaccine an dawn zinga 70% an pek chhuah tawh thu leh, tunkar chhung hian frontline worker-te hnenah vaccine pek ṭan theih an inbeisei thu a sawi bawk.