Kolasib leh Hailakandi dist. Bawrhsapte an inkâwm

Kolasib DC Dr H Lalthlang­liana leh Hailakandi DC Megh Nidhi Dahal-te chu nimin khan video conferencing kaltlangin an inkâwm a; Assam-a Assembly inthlanpui muanawm leh felfai taka neih a nih theih nan thawh dun dan tur an sawi.

Inkawmnaah hian bawrh­sap pahnihte chuan Hailakandi district leh Kolasib district inrìna báwr velah boruak rálmuang a awm theih dan tur leh zu leh damdawi tawlhrûk dap chhuah kawnga thawhho dan tur te, inthlan kaihhnawiha thawhho dan turte an sawi. District pahniha SP-te pawhin ramri venhimna uluk zawka kalpui dan tur an sawi dun bawk.