Myanmar aṭanga rawn lutte chhinchhiah turin hriattir

Champhai DC Maria CT Zuali chuan hriattirna chhuahin, Myanmar-a sipai sorkar hlauh vanga Mizorama rawn tlan lut an awm chuan, an chanchin kimchang Champhai DC pisaa hriattir vat turin an district-a khuate a chah.

Champhai Bawrhsap hian Myanmar-ah sipaiin sorkar ding lai paihthlaa thuneihna an inpek avangin Myanmar aṭanga himna zawnga Mizoram rawn tlan lut an awm theih thu a tarlang a; Champhai district chhungah Myanmar aṭanga ráltlan an awm chuan a rang thei ang berin an hming, kum leh Myanmar rama an dinhmun (identity)-te DC pisaa hriattir thuai turin khaw tin a chah a ni.