MZU-ah NAAC Assessors Orientation

Mizoram University (MZU) chuan nimin khan National Assessment and Accreditation Council (NAAC) bultumin NAAC Assessors Orientation Programme an buatsaih a, India ram hmun hrang hrang aṭangin university leh college principal leh professor 100 chuang an tel.

NAAC Assessors Orientation Prog­ramme hawnnaah hian Mizoram Legislative Assembly speaker Lal­rinliana Sailo chu khuallian a ni a; Speaker chuan, MZU hmalakna hrang hrangte chhuanawm a tih thu leh NAAC Assessors Orientation Programme chu India rama zirna sang siamṭhatna kawngah thil pawimawh tak a nihzia a sawi.

Inkhawmah hian MZU vice chancellor Prof. KRS Sambasiva Rao leh NAAC advisor Dr MS. Shyamsundar te pawhin thu an sawi a; NAAC hotu Bengaluru aṭanga telte'n India rama zirna sang (institution)-te endik thei turin professor leh principal rualte chu thil pawimawhte an zirtir a ni.