JAC on ILR-in CM an kâwm

Joint Action Committee on Inner Line Reserved 509 Demand chuan August 13, Thawhlehni khan chief minister Zoramthanga chu a pisaah an kawm a, ramri leh ILR square mile 509 chungchanga an duh dan leh ṭha an tih dante an thlen.

JAC chuan, Council of Minister-in Mizoram ramri atana kum 1875-a notification chhuah tawh mila Mizoram map thar siam ṭha an tih thu leh map chu MZP-in lo buaipui se tia an rawtna thlen chu Chief Minister chuan ṭha a tihpui nia sawiin, an lawm thu an tarlang a; "Council of Minister-in 1875 notification an pawm hi lawmawm kan ti a, Pu Zoramthanga kaihhruai sorkarah JAC chuan rinna a nghat tlat a, Mizo mipui duh dan ngeia hma an lak kan duhsak a ni," an ti.