Bru refugee camp-ah I-Day lawm

National Commission for Protection of Child Rights (NCPCR) chairperson Priyank Kanoongo hoa July 5, 2019-a bench sitting neiha an lo rel tawh angin, nimin khan Mamit DC ruahman­nain Tripura state chhunga Bru refugee camp hrang hrangah Independence Day lawm a ni.

Sorkar thuchhuah tarlan danin, Tripura refugee camp parukah hian Mamit DC Dr Lalrozama hmalaknain non residential special training centre (NRSTC) 16-ah I-Day lawm a ni a, Mamit district-a sorkar official-te'n an hmanpui a ni.

Tripura camp-a I-Day lawmna buatsaih a nih chhan chu - Mizoram khua leh tui, Tripura camp paruka awm mekte India-in zalenna a hmuh champha puala duhsakna hlan leh India ram zalenna hnuaiah thlamuang taka Mizorama lêt turin engtik lai pawhin Mizote'n an lo lâwm reng a ni tih lantir nan te, camp hrang hranga awm naupangte hnenah I-Day leh zalenna hlutzia hriattirte a nih thu sorkar thuchhuah chuan a tarlang.